تبادل
لینک هوشمند
ابجد
يا حسين گل بيعته رحم ايت عيال احمد
هرطرفدن اوستووه صف باغليوب عدوان گلور
گر حساب لشگري آلسون خبر باخ ابجده
هر حروفيندن حساب ايت گورنچه مين جان گلور
الفي مين فوج اهل ايران امتحان گورموش دلير
با بروجردو بخارادن ايكي مين نره شير
جيمي اوچ مين جده دن ملك جزايردن جرير
دال دماوند اهلي دورت مين ديلم و دلمان گلور
ها هراته يوز قويوب بش مين نفر هندوستان
واوي آلتي مين قوشون ساير ولايتدن روان
زائي هم زابل زميندن يدي مين زنگيستان
حائي سگيز مين نفر حربي حبش هريان گلور
طا طوايفدن گلوب طهرانه دوقوز مين نفر
يائي اون مين لشگر يزدو يمن زرين كمر
كاف ايگيرمي مين نفر كوفه سپاهي سربه سر
لام اوتوزمين لشگر لاهور و تركستان گلور
ميمي قيرخ مين مرد مروي هم مرند اهلي تميز
نون نيشاپور و نهاوند اللي مين با تيغ تيز
سين سيستان و سمرقند مين دن ستيز
عيني يتميش مين عرب فوجي عراقستان گلور
قائيدور هشتاد مين افواج فرهنگ و فرنگ
صادي دوخسان صف صفوف اصفهاندان بيدرنگ
قاف قيزل باش عسگرين قومي يومين مرد جنگ
راء ايكي يوز مين قوشون ري اهلي رومستان گلور
شيني اوچ يوز مين قوشون شمران شام ابلغ سوار
تائي دورت يوز مين سپاه ترك و توران و تتار
ثائي بش يوزمين قوشون ثبت اتميشم دفترده وار
خائه باخسون آلتي يوز مين جان خراساندان گلور
ذاله بي باخ يدي يوز يوزمين ذال تك شير ژيان
ضادي سكيز يوز مين اشرارددي و جان ستان
ظائي دوقوز يوز مين اهل ظلم نامي پهلوان
غيني اون يوز مين نفر مغرب زميندن جان گلور
باخ شعاعي كيمدي سرخيل بو قوم اشقيا
ازرق و شيث و عمر سعد سنان بي حيا
هم يزيد ابطحي هم خولي شوم و دغا
شمر دو ن آلمش الينه خنجر بران گلور
سن حنجری من خنجر خونخواری گتورم
بو قوله اگر ایسته سون ای حجت شافی
بو شمرون اگر وارسادا هر لاف و گزافی
الله قسم بو سوزیمون یوخدی خلافی
شاهد بو ایشه حاکم قهاری گتورم
چوخ گورمه گیلن شمر ستمکاریده تقصیر
بو قرخ حرمی باغلاماقا قولقولا بیربیر
تازه توکولوب هر بیرینه بیردنه زنجیر
من باغلاما سام اوغلون او بیماری گتورم
بیر شرط ائدرم من سنه عالم دیه احسن
چون حشر گونی شیعه لرون شافعی سن سن
جدون بویوروب بوردا اولور چون سنه مدفن
هر ایلده سنون قبروه زواری گتورم
چون یوخدور آنون گوزلوری باغلیان اولماز
اوستونده سنون باشین آچوب آغلیان اولماز
صحرا چولیدور بوردا سنون ماتموی ساخلیان اولماز
بو ماتموه جمله عزاداری گتورم
قلبیین باشی یاندی
یا حسین درک ائدورم عالمه اختر سن سن
ناز پرورده دلبند پیمبر سن سن
بویودوبدور سنی آغوشیده فرزند رسول
دولانان دوش رسول الله دلبر سن سن
شک یوخدور سنه سن حجت یکتا سن حسین
عامل علم ابی حضرت طاها سن حسین
جمله لشگر تانیور صاحب تقوا سن حسین
صاحب اختر و هم نور ولایت سن حسین
یا دگولم
یا حسین علت ندور رحم اتمدون اوز جانوه
صبر ائله عباس تک سنده باتار سان قانوه
بیرنفر یوخدور چاتا کرب وبلاده دادوه
سسله گلسین آدم و خاتم بوگون فریادوه
ویر بیعت الون سن منه قورتار بو بلادن
تا یول ویروم آزاد اولاسان کرب وبلادن
------
بو گون اوگوندی یا حسین حالوه گوگلر آغلاسون
یتنده الاامان سسی عرش برینه یا حسین
بو گون او گوندی فاطمه باشینه قاره باغلاسون
دوشنده قانلی پیکرون فرش زمینه یا حسین
اسیر ائدوب عیالوی پیاده شامه یولارام
خرابلرده جان ویرر قیزون سکینه یا حسین
التماس دعا
مکالمه حرمله
كان سخايم من
من حرملیم رزمیده بیر شیر ژیانم
آفاق بیلور آدیمی مشهور جهانم
تعریف ایلیوم سیزلره رزم و هنریمدن
کیم دورسا مقابل قوتاراماز شرریمدن
كبري دن الله ساخلاسون
اي جماعت من بوگون بو چولده طوفان ايلرم
عترت پيغمبري بو درده مهمان ايلرم
ظالم بيرحم و بي پروا آديمدي حرمله
فاتح خيبر عليني خانه ويران ايلرم
اوچ عدد اوچ پر اوخوم وار زهريله سيراب اولوب
هر بيرينن بيرآنا قلبين پريشان ايلرم
ايليون سيراب
من شه ابراره سد باب قيلام يا حسين
غمدن اشك چشميوي خوناب قيلام يا حسين
یاتميوبدي اصغرون چون گوزلري بيخوابدور
گورنجه آسان علاج خواب قيلام يا حسين
گلدي رحميم ويرمارام خنجر اوشاقدوراوغلوا
آل بو اوخدان اصغري سيراب قيلام يا حسين
مکالمه ازرق
صاحب عزایم من
ايا جماعت بوگون ظلمه من حاميم
تانورسوز مني بيلون ازرق شاميم
گلر بو مجلسه بير تشنه لب جوان داماد
ائدر فرات كيمي گوز ياشين روان داماد
اولار منيم اليمده بوگون پيكري پامال
حسن جگرلري تك نعشي دوغرانان داماد
دریای عمان ایلرم
قانیله الوان ائدوب کرب و بلا گلزارینی
باغلارام من عترت زهرایه سو یولارینی
یاندروب نار عطشدن مرتضی قیزلارینی
عرشه چخسون بانک وا ویلا یزیدون عشقنه
طبلون ای طبال چال آل خلعت دیبا یزیدون عشقنه
تپراقه اسکندر
بيان قيل منه كيمسن آچوب سياسته ال
بوگونده دورت نفر اوغلوم ايچوبدي جام اجل
آدون ندور كي اولوبسان شجاعته معروف
بو چولده اولميه سن تا اليمده نا معروف
ای ازرق
ندي بو جراتيلن گلموسن بو ميدانه
سوسوزدور خنجر تيزيم قيزيل قانه
الا اي مجتبي اوغلي مني درد و غمه سالدون
آلشديم نار هجرانه يتشديم جانه اي قاسم
مني بو غصه دن اتدون دلي ديوانه اي قاسم
مکالمه قاسم
شهرياريم شاهد اول
قاسم شهزاديم من يادگار مجتبي
جديم احمدور بابام حيدر علي المرتضي
راضيم مين جوريلن توكسون بو لشگر قانيمي
تاائديم قرآنيمه قربان بو عطشان جانيمي
سن قبول ايت قاسمي اي كردگار ذوالجلال
پيكريم صد پاره اولسون دينيمه ائتديم حلال
جدرسول الله
سلام اولا سنه اي نور چشم شاه نجف
بو كربلاده ائدوب لر سني بلايه هدف
سلام اولا سنه اي پادشاه كون ومكان
كي كاش اوليدي بو جانيم اوجانيوه قربان
سلام اولا سنه اي تاجدار عرش زمين
بويورنه وقعه واردور ائدوب سني غمگين
غملرون عليك سلام
كمك سيزم ديمه گل قلبيمي ائدوب بي تاب
شرار غمدن اولوب جسم وجانيم ايندي كباب
اجازه وير منه اي پادشاه مستحسن
سالوم بو بوينوما كبر كيمي من ايندي كفن
ستم پرور
سني قسم ويرورم شاه زاده اكبروه
مني ده ايله تصدق او ديده تروه
مرخص ايله گئدوم اي شهنشه دوران
بو جانيمي ائليوم ايندي من سنه قربان
تاپشوردوم
اي بلا دشتينده سرگردان اولانلار الوداع
العطش لر خيمه ده گريان اولانلار الوداع
جان سيزون جان كربلا سلطانينون جان زينبون
شاه دينون حالينه نالان اولانلار الوداع
---------------
روح امامت جان نبوت عمو خداحافظ
جام شهادت اولسا نصيبيم مني حلال ايله
وعده ديدار اولدي قيامت عمو خداحافظ
جان سنون جان عمم اي شاه مظلومان
جانيم اولسون ديده گريانوه قربان
جوابين آشكار
باخون اي ملت ترسا بو شاه يثرب بطها
قالوبدور يكه وتنها منم بي ناصر وياور
وكيل الله دلبندي ولي الله فرزندي
آديم شهزاده قاسم دور امامت شمعنه محور
اگر بير ياعلي چكسم اولار طاق فلك برهم
ركابيمدن اوپر رستم دوشر تپراقه اسكندر
نا معروف
ديلون باغلا الون آچ دورمشام سد سكندرتك
تماشا ايله فرزند شه مردانه اي ازرق
خيال اتمه اوشاقدور مجتبي اوغلي جوان قاسم
گوررسن من آچاندا پنجه مردانه اي ازرق
اي قاسم
واراولسا گر آرزودا دلير نام آور
گله قتاليمه تا ايليوم روان سفر
هر اول كسون اولا گوگلينده شوق جام اجل
دايانماسون داخي اولسون قتاله مستعجل
خلعته باخ
يامان گونومدي گل اي پادشاه جن وبشر
يخيلمشام يره اطرافيمي آلوب لشگر
مکالمه حضرت عباس
مرتضايه آند اولسون
من علمدار شه عالی مقامم شیعیان
منشی امر حسینم بیر غلامم شیعیان
آدیم عباس علی هم دور آنام ام البنین
بو حسین تاجداره من غلامم شیعیان
قطعه قطعه دوغرانام
من گرفتارم حسين عشقونده ياريم شاهد اول
حاضرم هر خدمته پروردگاريم شاهداول
بو اوزون قول بو علم بو نازلو قربانگاه عشق
عبد در بار حسينم شهرياريم شاهد اول
اتديم حلال
ای هاشمی جوانلاری میداندی قورخمیون
رعد بلا بو چولده نمایاندی قورخمیون
آماده قتال صف اشقیا اولون
شاه مدینه دن بیله فرماندی قورخمیون
مردانه رزمگاهه گئدون شیر نر کیمی
مین جان علی عیالینه قرباندی قورخمیون
کیمدور حسین فاطمه نون باغلاسون یولین
عباس الینده تیغ درخشاندی قورخمیون
جد رسول الله
كه اي عزيز شه لافتي سلام عليك
جهانيانه اولان مقتدا سلام عليك
نقدري ساغدوي ابالفضلون آتمه آه ونوا
اولا او جانيوه جانيم فدا سلام عليك
نه امرون اولسا بودم ده ايا امام زمان
بو من بو سن بودا كرب و بلا سلام عليك
علیک سلام
اجازه وير آقاجان سن بو مرغ طوفانه
عقابي تاگتوروم كربلاده جولانه
سالوم اياقيوه فرماندهان شاماتي
يزيدي هديه ويروم ايندي قانلي سوغاتي
قوی دولانوم
نجه دئوزوب دايانام اي عزيز پيغمبر
كباب اولوب دي عطشدن بالام علي اصغر
مرخص ايت اوزومي نهر القمه يتوريم
ويروم بو باشي بدندن و يا كي سوگيريم
فدا قارداش
سني قسم ويرورم دلشكسته ليلايه
مرخص ايله گيدوم من بو قانلي ماوايه
آتام يانندا ابوالفضلی شرمسار اتمه
بو صاحب علمي كربلاده خوار اتمه
پادشاهه باخ
اي شه خوبا ن سرور دوران حسين خداحافظ
گوزلريم اولسون جانوه قربان حسين خدا حافظ
عازم اولوبدور نوكرون ايندي بوقانلي ميدانه
اتمه دالمجا آهيلن افغان حسين خداحافظ
اولسه ميداندا علمدارون فغان اتمه
زينب زاري حسينيم ناگران اتمه
بیان ایله
فغان ائدوب باجیلارتک دوتگلان منه یاس
دیمه اوگیدی بیزه قولاری دوشن عباس
گلنده من آناما سویلدیم کی تز گللم
کی بیلمه دیم آنا جان کربلاده من اوللم
آنام سورشسا منیم بویور باجی جان
کی کربلاده آنا اولدی قانینه غلطان
حسین لشگرینه صاحب علم اولدی
فراتین اوسته ایکی قوللاری قلم اولدی
سالام
ایا گروه غریبان خدا نگهدارد
خدا وجود حسین از بلا نگهدارد
اي بلبل باغ محن
ظلميله سولدي بوچمن
گوزلروه گوزوم فدا
آه وافغان ايلمه سن
-------------
اولسون فدا جان اصغره
شش ماهه ماه منظره
يا سو گتورم خيميه
يا كي قوشلام اكبره
اي دختر شيرين زبان
چو خاتمه آه والاامان
ساخلاما يول اوسته مني
سكينه جان رقيه جان
----------------
الا اي تيغ آتشبار خونريز
ندان تاثير ائدر آه سحرخيز
ياتوب سركرده لر بير باخ كمينونده
مني ساخلا بو گون خنجر دمينده
غلافوندن اوپوم اي تيغ بران
گوزتله گوزلريمه دولماسون قان
گوزتله خيمه گاهي آلماسونلار
قولومي تا بدندن سالماسونلار
آمان الله
ایا جماعت اشرار قولاق ویرون سوزیمه
قالخیب رکابیمدن اوپوب یالوارسا دریا ایچمرم
دنیا سویوندان ایچمه سه اولاد زهرا ایچمرم
یول اوسته بی جا دورمیون من مرتضی دلبندیم
صف چکمیون یول کسمیون شیر خدا فرزندیم
بیر عده عطشان قیزلارا سوز ویرمیشم شرمندیم
تشنه کامی خدنگ
عین الحیاته چاتمادی مندن پریشاندور بوسو
عبرت گوزیلن باخسالار قلبیم کیمی قاندور بو سو
نامردیلر اوخ آتمیون چوخ درده درماندور بو سو
شش ماهه اصغر ایچمه سه قیلام تماشا ایچمرم
-----
نجه ايچوم بو سويي تشنه دور امام زمان
اوشاق بويوك هاموسي خيمه دن باخارنگران
پنجه نرم ایلیک
گل ايله نظر قانه دونن اشگيمه قارداش
دولدورديلا قان سو يرينه مشكيمه قارداش
............................................................
گل حسین آتش هجرانوه یاندیرما منی
لا اقل بو اشیدنلردن اوتاندیرما منی
گیدورم محضر زهرایه یوباندیرما منی
جام امیدیمی هجران داشنا ویرما حسین
دشمنیم گوز گوزه دی گل منی سندیرما حسین
سینمازیدی
تشنه لردن منی اوچ شعبه بیر اوخ دور ایلدی
مشگه گوز آچدی زره گوزلریمی کور ایلدی
سر بزیر اولدو آت اوستن یره قولسوز یارالی
قولارین آچدی چاغردی بیر اوغولسوز یارالی
آرزیم واریدی سو گتورم خیمه سرایه
لب تشنه لرون دردی یته بلکه دوایه
مشگیم هدف اولدی ولی تیر جفایه
آخدوقجا سو محو اولدی بو دنیا نظریمدن
اوخ دگمدی سو مشگینه دگیدی جگریمدن
------
یوخدور الیم دشمنه خنجر چالام
-----
وير خبر اخياميده اولدي وزيريم منيم
-------
قويما رقيم گله دشمن گولر
--------
الله تاپشور دوم حسينيم سني
نظرات شما عزیزان:
الله اجر ورسین ... چوخ گوزل
.gif){kind=small}
خیلی ممنون ............ وار اولون
.: Weblog Themes By Pichak :.
خبرنامه وب سایت:
آمار
وب سایت:
